گووگڵ خزمەتگوزارییەکانی و بارد پێکەوە دەبەستێتەوە

گووگڵ بۆ وەڵامدانەوەی Chat GPT چاتبۆتی Bardی ڕاگەیاند، وە ئێستا کۆمپانیاکە بەردەوامە لە باشتر کردنی چاتبۆتەکە و لە نوێترین گۆڕانکاریدا گووگڵ پەیوەستی کردووە بە خزمەتگوزارییەکانی دیکەیەوە.

ئێستا بارد دەتوانێت زانیاری پەیوەندیدار لە Gmail, Docs, Drive, Maps, YouTube, Google Flights وەر بگرێت.

بارد تەنانەت دەتوانێت زانیارییەکان تێهەڵکێش بکات و لە چەندین ئەپ و خزمەتگوزاریدا زانیاری بدۆزێتەوە. وەک نموونەیەک، گووگڵ پلاندانان بۆ گەشتێک لەگەڵ هاوڕێکانت بەکاردەهێنێت – بارد دەتوانێت لە جیمەیڵەوە ئەو بەروارانە دیاری بکات کە بۆ کار کردن دیاری کراون، زانیاری هۆتێل و گەشتەکان بگەڕێت، ڕێنماییەکانی گووگڵ ماپست پیشان بدات بۆ فڕۆکەخانە، و ڤیدیۆکانی یوتیوبت پیشان بدات بۆ ئەو شتانەی کە دەبێت بیکەیت کاتێک دەگەیتە ئەو شوێنەی کە دەڕۆیت. هەموو ئەمانە بە یەک گفتوگۆ لەگەڵ بارد دێتە بوون.

نموونەیەکی دیکە بریتییە لە پێشکەشکردنی داواکاری بۆ کارێکی نوێ، و بەکارهێنانی ئامرازی AI بۆ دۆزینەوەی سیڤییەکەت لە Drive و کورتکردنەوەی بۆ بەیاننامەیەکی کەسی کورت.

لە ئەگەری ئەوەی نیگەرانی زانیارییە کەسییەکانت بیت، گووگڵ بەڵێن کە ناوەڕۆکەکەت لە جیمەیڵ و دۆکس و درایڤەوە کە لەلایەن چاتبۆتی باردەوە دەستی پێدەگات و لە لایەن مرۆڤەوە نابینرێت.

هەروەها لە ئەمڕۆوە بارد دوگمەی “Google it” ی هەیە، ئەمەش ڕێگەت پێدەدات بە ئاسانی وەڵامەکانی چاتبۆتەکە بپشکنیت. کاتێک کلیک لەسەر ئایکۆنی G دەکەیت، بارد وەڵامەکە دەخوێنێتەوە و هەڵسەنگاندنی بۆ دەکات کە ئایا ناوەڕۆکێک لە سەرانسەری گووگڵدا هەیە بۆ سەلماندنی.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.