ڕەیزەر لاپتۆپێکی بە هاوبەشی لەگەڵ کۆمپانیای لامبەرگینی نمایش کرد

ڕەیزەر نوێترین لاپتۆپی Blade 16 لەگەڵ Automobili Lamborghini بە هاوبەشی نمایش کرد. لاشەی لاپتۆپەکە لە ئەلەمنیۆم پێک هاتووە و ڕەنگی ڕەشی ڕەیزەر خۆی و پرتەقاڵی لامبەرگینی تێکەڵ کراوە، هەروەها ڕەنگی دەرچەکان کراون بە پرتەقاڵی و لە سەرەتای کارپێکردنی لاپتۆپەکەش لۆگۆی لامبەرگینی دەردەکەوێت.

کار بە پرۆسێسەری Intel Core i9-13950HX دەکات لەگەڵ گرافیک کاردی Nvidia RTX 4090، لەگەڵ بیرگەیەکی 4 تێرابایت لە جۆری SSD و ڕامی 32 گێگابایت.

پانێڵی Mini-LED لە ڕوونماکەیدا بەکار هێنراوە کە قەبارەی 16 ئینجە و دوو دۆخی سەرەکی هەیە، ڕوونی 4K و تێکڕای نوێبوونەوەی 120 هێرتز، لەگەڵ ڕوونی +FHD و تێکڕای نوێبوونەوەی 240 هێرتز.

تەنها 150 دانە لەم لاپتۆپە تایبەت بە بازاڕەکانی ئەمریکا بە نرخی 4,999 دۆلار درووست دەکرێت.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.