تایبەتمەندییەک لە گرافیک کاردەکانی AMD دەبێتە هۆی بان بوونی یاریکەرانی یاری Counter-Strike 2

پاش ماوەیەک لە ڕاگەیاندنی یاری Counter-Strike 2، ئێستا گەشەپێدەرەکانی یارییەکە بە شێوەیەکی زۆر جددی یاریکەران ئاگادار دەکەنەوە کە تایبەتمەندی AMD Anti-Lag/Anti-Lag Plus کار پێ نەکەن چوونکە دەبێتە هۆی بان بوونیان لە یارییەکە. ئەم تایبەتمەندییە لە نوێکردنەوەیەکدا بۆ یارییەکە زیاد کراوە و تایبەتە بە زنجیرە گرافیک کاردی Radeon RX 7000، بۆیە ئەو یاریکەرانەی کە خاوەنی گرافیک کاردێک نین لەم زنجیرەیە تووشی ئەم کێشەیە نابنەوە.

AMD's latest driver has made their "Anti-Lag/+" feature available for CS2, which is implemented by detouring engine dll functions.

If you are an AMD customer and play CS2, DO NOT ENABLE ANTI-LAG/+; any tampering with CS code will result in a VAC ban.

Once AMD ships an update we…

— CS2 (@CounterStrike) October 13, 2023

گەشەپێدەرانی یارییەکە ڕایانگەیاند هەتاوەکو چارەسەر کردنی کێشەکە لە لایەن AMD ـیەوە بە نوێکردنەوەیەک، پێشنیار دەکەن هیچ کەسێک ئەم تایبەتمەندییە کار پێ نەکات. پاش نوێکردنەوەکە و چارەسەر کردنی کێشەکە، هەژمارە بان بووەکان چاک دەکرێنەوە و دووبارە یاریکەران دەتوانن یاری بە هەژمارەکانیان ئەنجام بدەنەوە. تاوەکو ئەو کاتە، دەتوانن تایبەتمەندییەکە ناچالاک بکەن بە کردنەوەی نەرمەواڵەی AMD Radeon و ناچالاک کردنی بەشی +AntiLag بە قەدبڕی Alt+L

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.