ئێستا وەتسئەپ ڕێگەت پێ دەدات چاتەکانت بە کۆدێکی نهێنی بشاریتەوە

وەتسئەپ ڕێگەیەکی نوێ بەردەست خست بۆ شاردنەوە و قوفڵ کردنی چاتەکانت. ئێستا لەبری ئەوەی چاتەکانت بە فۆڵدەر بشاریتەوە دەتوانیت هەر چاتێک بە کۆدێکی نهێنی بشاریتەوە.
هەر وەک لە وێنەکەی خوارەوە دەرکەتووە، ئێستا دەتوانیت بۆ هەر چاتێک وشەیەکی نهێنی دابنێیت کە لە پیت و ژمارە پێکهاتووە و تەنانەت ئیمۆجیش دەتوانیت بەکاربهێنیت. دواتر وشە نهێنیەکە لە بەشی گەڕانی ئەپەکە بنووسە و چاتەکە دەردەکەوێت.
هەروەها پیشاندانی چاتە قوفڵ کراوەکان لەگەڵ چاتەکانی دیکە. وەتسئەپ دەڵێت بۆ قوفڵ کردنی چاتەکان تەنها پێویستە بە شێوەیەکی بەردەوام پەنجە لە چاتەکان بدەیت بە بێ ئەوەی پێویست بکات بچنە بەشی ڕێکخستنەکان. تایبەتمەندییەکە لە چەند مانگی داهاتوو بۆ هەموو بەکارهێنەرانی جیهان بەردەست دەبێت.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.