بەفەرمی زنجیرە مۆبایلی Redmi Note 13 نمایش کرا – نوێکراوەتەوە

لەگەڵ نمایش کردنی جۆری 5G، شاومی جۆری 4G زنجیرە مۆبایلی Redmi Note 13 نمایش کرد، کە لە جۆری ئاسایی و پرۆ پێکدێت.

ڕوونماکانیان لە جۆری AMOLED و قەبارەیان 6.67 ئینجە و ڕوونیان +FHD و تێکڕایی نوێ بوونەوەیان 120 هێرتزە و ڕووناکییان تاوەکو 1,800 نیتە و بە پارێزەری Gorilla Glass 3 ڕووپۆش کراون.
جۆری ئاسایی چیپسێتی Snapdragon 685 و جۆری پرۆ چیپسێتی Helio G99 Ultra لەسەر جێگیر کراوە. لە ڕووی کامێراوە، هەردوو مۆبایلەکە گۆشەفراوانێکی 8 مێگاپیسکڵی و ماکرۆیەکی 2 مێگاپێکسڵی و سێڵفییەکی 16 مێگاپیسکڵی لە خۆ دەگرن. هەروەها کامێرای سەرەکی جۆری پرۆ ڕوونی 200 مێگاپیسکڵە و جۆری ئاسایی 108 مێگاپیسکڵە.

هەردوو مۆبایلەکە پاترییەکانیان قەبارەی 5,000 مللی ئەمپێر / کاتژمێرییە، جۆری پرۆ بە بارگاوی کەرەوەی 67 وات و جۆری ئاسایی بە بارگاوی کەرەوەی 33 وات.

نرخی جۆری پرۆ بۆ بە بیرگەی 512 گێگابایت و ڕامی 12 گێگابایت بریتییە لە 415,000 دیناری عێراقی و بۆ بیرگەی 256 گێگابایت و ڕامی 8 گێگابایت بریتییە لە 349,000 دیناری عێراقی و نرخی جۆری ئاسایی بۆ بیرگەی 256 گێگابایت و ڕامی 8 گێگابایت بریتییە لە 265,000 دیناری عێراقییە لە لایەن بریکاری شاومی کۆمپانیای ئای تی لۆبی بەردەست دەبێت.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.