ڕیەلمی وەشانی 4G لە مۆبایلی ڕیەلمی 13 نمایش کرد

ئەمڕۆ کۆمپانیای ڕیەلمی لە وڵاتی ئەندەنوسیا مۆبایلی Realme 13 4G نمایش کرد. مۆبایلەکە بە چیپسێتی Snapdragon 685 بەهێز کراوە و بڕوانامەی IP64 هەیە. ڕوونمایەکی قەبارە 6.67 ئینجی OLED بە تێکڕای نوێبوونەوەی 120 هێرتز و ڕوونی +FHD و ڕووناکی تاوەکو 2,000 نیت لە خۆ دەگرێت. کامێرای سەرەکی دواوەی ڕوونی 50 مێگاپێکسڵە و کامێرای قووڵیشی هەیە، هەروەها کامێرای سێڵفی ڕوونی 16 مێگاپێکسڵە.

پاترییەکی 5,000 مللی ئەمپێر/کاتژمێری بە بارگاوی کەرەوەی 67 وات هەیە و نرخی دەستپێکی بۆ بیرگەی 128 گێگابایت و ڕامی 8 گێگابایت لە وڵاتی ئەندەنوسیا بریتییە لە 185 دۆلار.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.