زنجیرە تابلێتی Galaxy Tab S10 بە پشتگیری کردن لە زیرەکی دەستکرد نمایش کرا

سامسۆنگ لە پاڵ مۆبایلە نوێیەکەیدا، زنجیرە تابلێتی Galaxy Tab S10ی نمایش کرد کە هەردوو مۆدێلی پڵەس و ئەڵترا لە خۆ دەگرێت. جۆری پڵەس ڕوونماکەی قەبارەی 12.4 ئینجە لە جۆری OLED بە ڕوونی 2,800 * 1,752 پێکسڵ و کامێرای سێڵفی ڕوونی 12 مێگاپێکسڵە. جۆری ئەڵترا ڕوونمایەکی قەبارە 14.6 ئینج لە جۆری OLED بە ڕوونی 2960 * 1848 پێکسڵ و تێکڕای نوێبوونەوەی 120 هێرتز لە خۆ دەگرێت و دژە تیشکدانەوەیە. هەردوو مۆدێلەکە چیپسێتی Dimensity 9300 Plus لەسەر جێگیر کراوە.

هەردوو جۆرەکە کامێرای سەرەکی دواوەی ڕوونی 13 مێگاپێکسڵە و کامێرای گۆشە فراوانی 8 مێگاپێکسڵی لە خۆ دەگرن. کامێرای سێڵفی جۆری ئەڵترا 2 دانەیە بە هەمان ڕوونی، ڕوونی 12 مێگاپێکسڵ بۆ کامێرای سەرەکی و گۆشە فراوان.

تابلێتەکان بڕوانامەی IP68 هەیە بۆ دژە ئاو و خۆڵ و تۆز. جۆری پڵەس پاترییەکی قەبارە 10,090 مللی ئەمپێر/کاتژمێر و جۆری ئەڵترا پاترییەکی قەبارە 11,200 مللی ئەمپێر/کاتژمێر لە خۆ دەگرێت، هەردووکیان پشتگیری لە بارگاوی کەرەوەی 45 وات دەکەن. پشتگیری لە زیرەکی دەستکرد دەکەن و جۆری پڵەس نرخی دەستپێکی 999 دۆلار و جۆری ئەڵترا نرخی دەستپێکی 1,199 دۆلارە.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.