ڕێندەرەکانی مۆبایلی Poco X7 و Poco X7 Pro دزەیان پێکرا

بەو نزیکانە وێنەی نوێ لە زنجیرەی پۆکۆ X7 بڵاو کرانەوە و پێدەچێت ناساندن و بەردەست خستنی ئەو مۆبایلە نزیک بێت. مۆبایلەکان لە ڕووی دیزاینە جیاوازیان زۆرترە لەگەڵ نەوەی پێش خۆیان و ئێستا شێوەیان زیاتر لە رێدمی نۆت 14 پرۆ دەچێت و بە گشتی دیزاینێکی نزیکیان لەگەڵ زنجیرە پڕفرۆشە دێرینەکەیان واتە Poco X3 هەیە.

پۆکۆ ئێکس 7 لە بەشی دواوەدا دووڕەنگە و چوارچێوە و ڕوونمایەکی تەختی هەیە و بە ڕەنگەکانی زەرد-ڕەش، سەوز و زیوی بەردەست دەبن.

لەلایەکی ترەوە پۆکۆ ئێکس 7 پرۆ، دیزاینێکی جیاوازتری دەبێت و هاوشێوەی مۆدێلی ئاسایی خاوەنی ڕوونمای تەخت دەبێت، وەک لە وێنەکەدا دەردەکەوێت. ئەو مۆدێلە لە ڕەنگەکانی ڕەش، سەوز و ڕەش-زەرد دا بەردەست دەبن.

سەبارەت بە وردەکارییەکانی هەردوو مۆبایلەکە، هێشتا بڵاونەکراونەتەوە، تەنها ئەوە نەبێت کە چاوەڕوانی دەکرێت هەردووکیان بە ڕووکاری HyperOS 2.0 بەردەست بخرێن.

محمد ڕەئوف