لەوانەیە ماک بووک ئێیەری نوێ بە چیپسێتی M4 لە چەند هەفتەی داهاتوو نمایش بکرێت

ئەگەری هەیە هەر لە سەرەتایی مانگی داهاتوو ماک بووک ئێیەری نوێ بە چیپسێتی M4 نمایش بکرێت. بەپێی دواین ڕاپۆرتی بلومبێرگ، ئەپڵ ئامادەکاری بۆ نمایش کردنی ماک بووکە نوێیەکە دەکات. کە چاوەڕوان دەکرێت هەروەکو نەوەی ڕابردووی بە هەردوو قەبارەی 13 و 15 ئینج نمایش بکرێت.

ئەپڵ نەوەی ڕابردووی ماک بووک ئێیەری لە مانگی سێی ساڵی ڕابردوو نمایش کردوو، دوای چەند مانگێکیش چیپسێتی M4 نمایش کرد کە سەرەتا لەسەر ئایپاد پرۆ جێگیری کرد، دواتریش لە مانگی 10 هەر یەک لە ماک بووک پرۆ، ئای ماک و ماک مینی بە چیپسێتەکە نوێ کردەوە، ئێستاش نۆرەی ماک بووک ئێیەرە.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.