سامسۆنگ تابلێتی Galaxy Tab A11 نمایش کرد

ئەمڕۆ سامسۆنگ تابلێتێکی نوێی بە ناوی Galaxy Tab A11 نمایش کرد. تابلێتەکە خاوەن ڕوونمایەکی قەبارە 8.7 ئینجییە لە جۆری LCD بە ڕوونی +HD و تێکڕای نوێبوونەوەی 90 هێرتز (تێکڕای نوێبوونەوەی ڕوونماکە بەرزتر کراوە بەراورد بە نەوەی پێش خۆی). لە پێشەوەی خاوەن کامێرایەکی سێڵفی 5 مێگاپێکسڵییە و لە دواوەیدا کامێرایەکی 8 مێگاپێکسڵی هەیە.

چیپسێتی Mediatek Helio G99 لەسەر جێگیر کراوە و 7 ساڵ نوێکردنەوەی ئەندرۆید و ئاسایشی مانگانەی پێدەگات.

پاترییەکەی قەبارەی 5,100 مللی ئەمپێر/کاتژمێرە و پشتگیری لە بارگاوی کەرەوەی 15 وات دەکات.

نرخی تابلێتەکە لە هیندستان بەم جۆرەیە:

– بیرگەی 64 گێگابایت و ڕامی 4 گێگابایت جۆری وای فای: 147 دۆلار.

– بیرگەی 64 گێگابایت و ڕامی 4 گێگابایت جۆری سیم کارت: 180 دۆلار.

– بیرگەی 128 گێگابایت و ڕامی 8 گێگابایت جۆری وای فای: 203 دۆلار.

– بیرگەی 128 گێگابایت و ڕامی 8 گێگابایت جۆری سیم کارت: 237 دۆلار.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.