سۆنی بڵندگۆیەکی نوێی بێتەلی نمایش کرد کە لەگەڵ چەندین ئامێری جیاواز گونجاوە

ئەمڕۆ سۆنی بڵندگۆی نوێی بێتەلی Pulse Elevate نمایش کرد کە لەگەڵ کۆمپیوتەری ویندۆز، ماک، کۆنسۆڵی پلەیستەیشن 5 و کۆنسۆڵی دەستی پلەیستەیشن و تەنانەت مۆبایلیش کار دەکات. ئەم بڵندگۆ نوێیە مایکێکی ناوەکی هەیە کە بۆ نامەی دەنگی بەسوودە و هەروەها تەکنەلۆژیایەکی تێدا بەکار هێنراوە کە دواخستنی دەنگ بە تەواوەتی کەم دەکاتەوە.

بڵندگۆکە پاترییەکەی هەیە کە بارگاوی دەکرێتەوە. بارگاوی کردنەوەکەی پێویستی بە دۆکێکە کە لەگەڵی دایە و هەر کە بارگاوی بوویەوە دەتوانیت بۆ هەر شوێنێک بتەوێت بیبەیت لەگەڵ خۆت. سۆنی نرخی ئەم ئامێرەی ئاشکرا نەکردووە بەڵام دەڵێت ساڵی داهاتوو بە ڕەنگی سپی و ڕەش بەردەست دەبێت.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.