گووگڵ بەڕێوەچوونی کۆنگرەی گەشەپێدەرانی گووگڵی ئاشکرا کرد

گووگڵ وادەی بەڕێوە چوونی کۆنگرەی گەشەپێدەرانی Google I/O 2023 ئاشکرا کرد و ڕایگەیاند کۆنگرەکە بە ئامادەبوونی ژمارەیەکی دیاری کراو لە جەماوەر بە ئۆفڵاین (دەرهێڵ) و بە خۆڕایی بۆ هەمووان لەسەر ئۆنڵاین (سەرهێڵ) و لە بەرواری ڕۆژی 10ی مانگی 5 بەڕێوە دەچێت.

ئەمساڵ، گەورەترین چاوەڕوانییەکان بۆ ئەو بەرهەمانە دەبن کە پەیوەندییان بە ژیری دەستکردەوە هەیە. هەروەها پێشبینی دەکرێت زۆر هەواڵ لەسەر خزمەتگوزاری Bard ڕکابەرەکەی Chat GPT بڵاو بکرێتەوە.

هەروەها بێگومان لەم کۆنگرەیەدا زانیاریمان لەسەر وەشانی داهاتووی ئەندرۆید دەست دەکەوێت کە ئێستا وەشانی پێشبینین (Preview)ی بۆ گەشەپێدەران بەردەست خستووە. هەروەها زانیاری جۆراوجۆر لەسەر ڕەقەکاڵا(Hardware).

Excited that this year's #GoogleIO will be on May 10, live from Shoreline Amphitheatre in Mountain View and online at https://t.co/sWxfPsVvJi pic.twitter.com/QtNXE6wjl5

— Sundar Pichai (@sundarpichai) March 7, 2023

هەروەها پێشبینی دەکرێت زانیاری دەربارەی مۆبایلی Pixel 7A و مۆبایلی چەماوەی Pixel Fold بخرێتە ڕوو. وە لەوانەیە زیاتر ببیستین دەربارەی تابلێتی داهاتووی گووگڵ.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.