براندی Red Magic یەکەمین تابلێتی گەیمینگی نمایش کرد

براندی تایبەت بە گەیمینگی Red Magic یەکەمین تابلێتی نمایش کرد. تابلێتەکە ڕوونمایەکی قەبارە 12.1 ئینجی لە جۆری IPS LCD بە ڕوونی 1600 * 2500 پێکسڵ و تێکڕای نوێبوونەوەی 144 هێرتز و تێکڕای وەڵامدانەوەی دەست لێدانی 240 هێرتز و ڕووناکی 600 نیت لە خۆ دەگرێت.

کێشی 613 گرامە و 4 بڵندگۆ لە خۆ دەگرێت کە بە DTS بەهێز کراون.

چیپسێتی Snapdragon 8+ Gen 1 لەسەر جێگیر کراوە و بە بیرگەی جۆری UFS 3.1 و ڕامی جۆری LPDDR5x بەهێز کراوە، هەروەها سیستەمی ساردکەرەوەی ICE Magic لە خۆ دەگرێت بۆ دابەزاندنی پلەی گەرمی تابلێتەکە هەتاوەکو 5 پلەی سیلیزی.

دەتوانیت ماوس و تەختەکلیل و دەسکیشی پێوە پەیوەست بکەیت، هەروەها Red Magic خۆی پێنووسێکی زیرەکی نرخی 55 دۆلار و تەختەکلیلی موگناتیسی زیرەکی بە نرخی 83 دۆلار نمایش کردووە.

نرخی تابلێتەکە بۆ بیرگەی 256 گێگابایت و ڕامی 12 گێگابایت بریتییە لە 538 دۆلار و بۆ بیرگەی 512 گێگابایت و ڕامی 16 گێگابایت بریتییە لە 635 دۆلار.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.