10
شاومی 6, تشرینی دووه‌م 2019 بۆچوون

مۆبایلی Xiaomi Mi Note 10 بە کامێرای 108 مێگاپێکسڵ و نرخی دەستپێکی 549€ ـەوە ڕاگەیاندرا

لە دوای ئەوەی دوێنێ کۆمپانیای شاومی مۆبایلی ئاستبەرزی Xiaomi Mi CC9 Pro ـی ڕاگەیاند، ئەمڕۆ کۆمپانیاکە وەشانی جیهانی لە مۆبایلی Xiaomi Mi CC9 Pro بە ناوی Xiaomi Mi Note 10 ـەوە لە ئەوروپا ڕاگەیاند. چاوەڕوان دەکرا مۆبایلی Xiaomi Mi Note 10 خاوەن پڕۆسێسەری +Snapdragon 855 ببێت، بەڵام بە داخەوە وا دەرنەچوو.

لە ڕووی تایبەتمەندییەوە، مۆبایلەکانی Xiaomi Mi CC9 Pro و Xiaomi Mi Note 10 جیاوازییەکی وەهایان نییە، تەنها ئەوە نەبێت کە Xiaomi Mi Note 10 خاوەن ڕامێکە بە قەبارەی 6 گێگابایت و بیرگەیەکی ناوەکیش بە قەبارەی 128 گێگابایت و بەبێ هەبوونی دەرچەی microSD. لە کاتێکدا کە Xiaomi Mi CC9 Pro خاوەن بژاردەی ڕامی 6 و 8 گێگابایتی و بیرگەی بژاردەی 128 و 256 گێگابایتی بوو. لە سەرجەم تایبەتمەندییەکانی دیکەدا هاوشێوەن.

گرنگترین تایبەتمەندییەکانی مۆبایلی Xiaomi Mi Note 10:

  • ڕوونماقەبارە: 6.5 ئینج. جۆر: OLED. وردی نیشاندان: 1080 بە 2340 پێکسڵ.
  • دیزایننۆچ: هەیە. چاڵی ژێر ڕوونما: نییە.
  • پڕۆسێسەر: Qualcomm Snapdragon 730G.
  • گرافیک: Adreno 618.
  • ڕام: 6 گێگابایت.
  • بیرگە: 128 گێگابایت.
  • ئەستووری: 9.67 میلیمەتر.
  • کێش: 208 گرام.
  • پاتری: 5,260 ملی ئەمپێر/کاتژمێر.
  • بارگاویکردنەوە: پشتگیری لە بارگاویکەرەوەی خێرا بە توانای 30 وات.
  • کامێرای پشتەوەسەرەکی: 108 مێگاپێکسڵ بە تیرەی f/1.7 و لە جۆری Wide. دووەم: 5 مێگاپێکسڵ بە تیرەی f/2.0 و لە جۆری Telephoto. سێیەم: 12 مێگاپێکسڵ بە تیرەی f/2.0 و لە جۆری Telephoto. چوارەم: 20 مێگاپێکسڵ بە تیرەی f/2.2 و لە جۆری Ultra Wide. پێنجەم: 2 مێگاپێکسڵ بە تیرەی f/2.4 و لە جۆری Macro.
  • کامێرای پێشەوە(سێڵفی): 32 مێگاپێکسڵ بە تیرەی f/2.0.
  • هەستەوەری ئاسایشی: هەستەوەری پەنجەمۆر لە ژێر ڕوونما.
  • دەرچە: USB-C.
  • ڕایەڵە: LTE – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0. تایبەتمەندی NFC: هەیە. تایبەتمەندی Radio: هەیە.
  • سیمکارت: دوانە سیمکارت.
  • ڕەنگ: سەوز – سپی – ڕەش.
  • سیستەمی کارپێکەر: MIUI 11 (بنچینەکراو لەسەر Android 10).
  • حاڵەتی بەردەستبوون: بەردەست نییە.
  • نرخ: دەست پێدەکات لە 549€ (نزیکەی 609$).

نرخی مۆبایلی Xiaomi Mi Note 10 لە ئەوروپا 549€ (نزیکەی 609$) دەبێت. وا بڕیارە لە ڕێکەوتی 11 ـی ئەم مانگە لە وڵاتی ئەڵمانیا دەست بکرێت بە فرۆشتنی و لە پاشان لە ڕێکەوتی 15 ـی هەمان مانگەدا لە ئیسپانیا و ئیتاڵیا و لە 3 ڕۆژی دواتردا لە فەڕەنسا دەست بکرێت بە فرۆشتنی. بەمنزیکانە لە سەرجەم وڵاتانی دیکەی ئەوروپادا بەردەست دەکرێت بۆ فرۆشتن.

سەرچاوە The VergeGSMArena
بۆچونی تۆ