مۆبایلی Poco X2 بە کامێرای 64 مێگاپێکسڵی و ڕوونمای 120 هێرتز و نرخی 225$ ـەوە ڕاگەیاندرا

لە دوای ئەوەی لە ساڵی 2018 ـەدا کۆمپانیای شاومی لە ژێر ناوی Poco ـدا مۆبایلی ئاست بەرزی Poco F1 ـی بە نرخی تەنها 300$ ـەوە ڕاگەیاند، Poco دووەمین مۆبایلی بە نرخێکی کەمتر و تایبەتمەندی زۆر بەرزترەوە ڕاگەیاند.

مۆبایلە نوێیەکەی Poco ناوی Poco X2 ـە. لە ڕاستیدا، براند کردنەوەی مۆبایلی Redmi K30 ـە و لە دیزاین و زۆرینەی تایبەتمەندییەکاندا هاوشێوەی Redmi K30 ـە. مۆبایلی Poco X2 خاوەن ڕوونمایەکە بە قەبارەی 6.67 ئینج لە جۆری LCD بە ڕوونی +FullHD و خێرایی 120 هێرتز. لە بەشی ڕاستی سەرەوەی ڕوونماکەی خاوەن 2 دانە کامێرایە بە ڕوونییەکانی 20 و 2 مێگاپێکسڵ. لە پشتەوەش خاوەن 4 دانە کامێرایە بە ڕوونییەکانی 64 و 8 و 2 و 2 مێگاپێکسڵ بە هەبوونی هەستەوەری Sony IMX686.

لە ناوەوە، پڕۆسێسەری Snapdragon 730G ـی لەسەر جێگیرە و خاوەن ڕامی 6 و 8 گێگابایت و بیرگەی 64 و 128 و 256 گێگابایتییە. خاوەن پاترییەکە بە توانستی 4,500 ملی ئەمپێر و پشتگیری لە بارگاویکردنەوەی خێرا دەکات بە توانای 27 وات. خاوەن هەستەوەری پەنجەمۆرە لە لاتەنیشتەوە.

سوپاس بۆ تەکنەلۆژیای liquid cool، توانای هەیە بە ڕێژەی 300% خێراتر مۆبایلەکە سارد بکاتەوە.

گرنگترین تایبەتمەندییەکانی مۆبایلی Poco X2:

• ڕوونما: قەبارە: 6.67 ئینج. جۆر: LCD. وردی نیشاندان: 1080 بە 2400 پێکسڵ.
• دیزاین: نۆچ: نییە. چاڵی ژێر ڕوونما: هەیە.
• پڕۆسێسەر: Qualcomm Snapdragon 730G.
  
• گرافیک: Adreno 618.
• ڕام: 6 و 8 گێگابایت.
• بیرگە: 64 و 128 و 256 گێگابایت.
• ئەستووری: 8.8 میلیمەتر.
• کێش: 208 گرام.
• پاتری: 4,500 ملی ئەمپێر/کاتژمێر.
• بارگاویکردنەوە: پشتگیری لە بارگاویکەرەوەی خێرا بە توانای 27 وات.
• کامێرای پشتەوە: سەرەکی: 64 مێگاپێکسڵ بە تیرەی f/1.9 و لە جۆری Wide. دووەم: 8 مێگاپێکسڵ بە تیرەی f/2.2 و لە جۆری Telephoto. سێیەم: 2 مێگاپێکسڵ بە تیرەی f/2.4 و لە جۆری macro. چوارەم: 2 مێگاپێکسڵ بە تیرەی f/2.4 و لە جۆری هەستەوەری قوڵی.
• کامێرای پێشەوە(سێڵفی): سەرەکی: 20 مێگاپێکسڵ بە تیرەی f/2.0 لە جۆری Wide. دووەم: 2 مێگاپێکسڵ بە تیرەی f/2.4 لە جۆری هەستەوەری قوڵی.
• هەستەوەری ئاسایشی: هەستەوەری پەنجەمۆر لە لاتەنیشت.
• دەرچە: USB-C – بیستۆک.
• ڕایەڵە: LTE – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0. تایبەتمەندی NFC: هەیە. تایبەتمەندی Radio: هەیە.
• سیمکارت: دووانە سیمکارت.
• ڕەنگ: شین – پەمەیی – سوور.
• سیستەمی کارپێکەر: MIUI 11 (بنچینەکراو لەسەر Android 10).
• حاڵەتی بەردەستبوون: بەردەست نییە.
• نرخ: دەست پێدەکات لە 225$.

نرخەکان

• ڕامی 6 گێگابایت و بیرگەی 64 گێگابایت: 225$.
• ڕامی 6 گێگابایت و بیرگەی 128 گێگابایت: 240$.
• ڕامی 8 گێگابایت و بیرگەی 256 گێگابایت: 280$.

مۆبایلی Poco X2 لە ڕێکەوتی 11 ـی ئەم مانگەدا لە بازاڕەکانی هیندستان بەردەست دەکرێت. ڕێکەوتی بەردەستکردنی بۆ ناوچەکانی دیکەی جیهان نەزاندراوە.