مۆبایلی ZTE Axon 11 بە پڕۆسێسەری Snapdragon 765G و پشتگیری لە 5G ڕاگەیاندرا

کۆمپانیای ZTE ـی چینی نوێترین مۆبایلی ئاست مامناوەندی خۆی بە ناوی ZTE Axon 11 بە پڕۆسێسەری Snapdragon 765G و پشتگیری لە 5G ڕاگەیاند.

مۆبایلی ZTE Axon 11 خاوەن ڕوونمایەکە بە قەبارەی 6.47 ئینج لە جۆری AMOLED بە ڕوونی +FHD و بە خێرایی 90 هێرتز. لەسەر ڕوونماکەی خاوەن نۆچی دڵۆپەییە کە کامێرایەکی 20 مێگاپێکسڵی لەسەر جێگیر کراوە و هەستەوەری پەنجەمۆریش هەر لە ژێر ڕوونماکەیدا بوونی هەیە. لە پشتەوە خاوەن 4 دانە کامێرایە لە چوارچێوەیەکی ڕەشدا بە ڕوونییەکانی 64 و 8 و 2 و 2 مێگاپێکسڵ.

لە ناوەوە، پڕۆسێسەری Qualcomm Snapdragon 765G ـی لەسەر جێگیرکراوە و پشتگیری لە نەوەی پێنجەمی پەیوەندی 5G دەکات. هەروەها خاوەن ڕامی 6 و 8 گێگابایت و بیرگەی ناوەکی 128 و 256 گێگابایتی و پاترییەکە بە توانستی 4,000 ملی ئەمپێر. پشتگیری لە بارگاویکردنەوەی خێرای Qualcomm Quick Charge 4 و بارگاویکردنەوەی بێوایەر دەکات.

ڕووکاری MiFavor 10 ـی بنچینەکراوی Android 10 ـی لەسەر جێگیر کراوە.

گرنگترین تایبەتمەندییەکانی مۆبایلی ZTE Axon 11 5G:

• ڕوونما: 
  • قەبارە: 6.47 ئینج.
  • جۆر: AMOLED.
  • وردی نیشاندان: 1080 بە 2340 پێکسڵ.
  • خێرایی: 90 هێرتز.
• دیزاین: 
  • نۆچ: هەیە.
  • چاڵی ژێر ڕوونما: نییە.
• پڕۆسێسەر: (Qualcomm Snapdragon 765G (7 nm.
  
• گرافیک: Adreno 620.
• ڕام: 6 و 8 گێگابایت.
• بیرگە: 128 و 256 گێگابایت.
• ئەستووری: 7.9 میلیمەتر.
• کێش: 168 گرام.
• پاتری: 4,000 ملی ئەمپێر/کاتژمێر.
• بارگاویکردنەوە: پشتگیریکردن لە بارگاویکردنەوەی خێرا.
• کامێرای پشتەوە: 
  • سەرەکی: 64 مێگاپێکسڵ لە جۆری Wide.
  • دووەم: 12 مێگاپێکسڵ لە جۆری Ultra Wide.
  • سێیەم: 2 مێگاپێکسڵ لە جۆری macro.
  • چوارەم: 2 مێگاپێکسڵ لە جۆری Depth.
• کامێرای پێشەوە(سێڵفی):
  • سەرەکی: 20 مێگاپێکسڵ لە جۆری Wide.
• هەستەوەری ئاسایشی: هەستەوەری پەنجەمۆر لە ژێر ڕوونما.
• دەرچە: USB-C – بیستۆک.
• ڕایەڵە: 5G – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0.
  • تایبەتمەندی NFC: هەیە.
  • تایبەتمەندی Radio: نییە.
• سیمکارت: دووانە سیمکارت.
• ڕەنگ: ڕەش – سپی.
• سیستەمی کارپێکەر: ڕووکاری MiFavor 10 (بنچینەکراو لەسەر Android 10).
• حاڵەتی بەردەستبوون: بەردەست نییە.
• نرخ: دەستپێدەکات لە 380$.

نرخی مۆبایلی ZTE Axon 11 5G لە 380$ ـەوە دەست پێدەکات و وا بڕیارە لە ماوەیەکی نزیکی داهاتوودا لە چین بەردەست بکرێت. ئاشکرا نییە کە ئاخۆ مۆبایلەکە لە بازاڕەکانی دیکەی جیهاندا بەردەست دەکرێت یاخود نا.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەر و خوێندکاری پەیمانگەی زانستی کۆمپیوتەر.