10
رەقەکاڵا 31, ئاب 2020

بە فەرمی چیپسێتی Snapdragon 732G بە چاکسازییەوە بۆ مۆبایلە ئاست ناوەندەکان ڕاگەیاندرا

کۆمپانیای کواڵکۆمی ئەمریکی ئەمرۆ چیپسێتێکی نوێی بۆ مۆبایلە ئاست ناوەندەکان لە ژێر ناوی Snapdragon 732G ڕاگەیاند، چیپسێتەکە بەراورد بە نەوەی پێشووی خۆی لە ڕووی ژیری دەستکرد و خێرایی CPU و GPU باشتر کراوە

 

وێنەی Poco X3 کە پێشبینی دەکرێت هەڵگری چیپسێتەکە بێت

یەکەمین کۆمپانیای کە وا بڕیارە چیپسێتەکە بەکار بهێنێت کۆمپانیای شاومییە لە لقی پۆکۆ و بە فەرمی ڕایگەیاندووە بەمزووانە مۆبایلێک بەم چیپسێتەوە نمایش دەکات

چیپسێتەکە نوێیەکەی کواڵکۆم ناووکی Kyro 470 Prime باشتر کراوە و خێراییەکەی بەرز کراوەتەوە بۆ 2.3 گێگاهێرتز وە لە ڕووی GPU وەک خێرایی بەرز نەکراوەتەوە بەڵام ئاماژە بەوە دراوە لە ڕووی ڕێندەر کردنەوە باشتر کراوە

 

ئەوەشی کە گرنگە ئاماژەی پێ بکرێت، چیپسێتە نوێیەکە سەر بە پرۆژەی Elite Gaming چیپسێتەکانی کۆمپانیای کواڵکۆمە کە پاشگری G پێوەیە و باشتر کراوە بۆ یاری کردن، جگە لەوە چیپسێتەکە خاوەندارێتی لە چوارەمین نەوەی ژیری دەستکرد دەکات

سەرچاوە HT Tech News
تاگەکان Poco Qualcomm
بۆچونی تۆ