10
ئۆپۆ 25, شوبات 2021

بە فەرمی مۆبایلی Oppo Reno5 K 5G بە چیپسێتی سناپدراگۆن 750G و بارگاوی کەرەوەی 65 وات و زیاترەوە نمایش کرا

 

 

بە فەرمی ئەمڕۆ ئۆپۆ نەوەیەکی نوێی لە زنجیرەی Oppo Reno5 ڕاگەیاند لە ژێر ناوی Oppo Reno5 K، خاوەن ڕوونمایەکی قەبارە 6.43 ئینجی دەبێت لە جۆری Amoled بە ڕوونی +FHD و تێکڕای نوێ بوونەوەی 90 هێرتز، هەروەها چیپسێتی سناپدراگۆن 750G لەسەر جێگیر دەکرێت

 

ڕووکاری بەکارهێنەری ColorOS 11.1 بنەچەکراو لەسەر ئەندرۆید 11 لەسەر جێگیر دەکرێت و بە دوو جۆرە بیرگە و ڕام بەردەست دەخرێت کە بیرگەی 128 گێگابایت و 256 گێگابایتن و ڕامی 8 گێگابایت و 12 گێگابایتن، دەرچەی microSD لە خۆ ناگرێت، بۆیە هەڵبژاردنی بیرگەی 256 گێگابایت پێدەچێت بژاردەیەکی باشتر بێت لە هەبوونی داتا و وێنە و ڤیدیۆی تایبەت بە بەکارھێنەر

 

 

 

بە کۆی گشتی مۆبایلەکە 5 کامێرا لە لە خۆ دەگرێت، کە 4 دانەیان لە بەشی دواوەن و 1 دانەیان لە بەشی پێشەوەیە، کامێرای سێڵفی کە لە بەشی پێشەوەیە لە شێوەی چاڵە بە ڕوونی 32 مێگاپێکسڵ، هەروەها لە دواوەیدا کامێرای سەرەکی 64 مێگاپێکسڵە و 8 مێگاپێکسڵ بۆ کامێرای گۆشە فراوان و 2 مێگاپێکسڵ بۆ قووڵی و 2 مێگاپێکسڵ بۆ ماکرۆ

 

 

پشتگیری لە تۆڕی نەوەی پێنجەم دەکات و دەرچەی هێدفۆن جاک لە خۆ دەگرێت و هەستەوەری پەنجەمۆر لە ژێر ڕوونماکەیدا لە خۆ دەگرێت، هەروەها پشتگیری لە بارگاوی کەرەوەی خێرا بە هێزی 65 وات دەکات و پاترییەکی قەبارە 4300 مللی ئەمپێر.کاتژمێری لەسەر جێگیر کراوە

 

بە سێ ڕەنگی جیاواز بەردەست دەخرێت لە ڕۆژی 7 مانگی داهاتوو، بەڵام ئۆپۆ نرخی بەرهەمەکەی ئاشکرا نەکردووە و هیچ کاتێکی دیاری نەکردووە بۆ ئاشکرا کردنی

سەرچاوە GSM Arena
تاگەکان ئۆپۆ Oppo
بۆچونی تۆ