چەند کاتژمێرێکی کەم ماوە بۆ بڵاو کردنەوەی یەکەمین ترایلەری بەشی نوێی یاری Battlefield

تەنها چەند کاتژمێرێکی کەم ماوە بۆ بڵاو کردنەوەی یەکەمین ترایلەری بەشی نوێی یاری Battlefield و پێدەچێت ئەو دەنگۆیانە ببنە ڕاستی کە باس لەوە دەکەن یارییەکە ناوی ‘Battlefield 2042’ دەبێت، ئەمەش دوای ئەوە دێت وێنە و هەواڵ لەسەر ئەم یارییە دزەیان پێ کرا و لە وێنەکان و هەواڵەکاندا باس لە شەڕ کردن بە فڕۆکەی بێ فڕۆکەوان و چەندین ئامێری پێشکەوتووی سەردەم دەکات

هەروەها بە پێی هەواڵە دزە پێکراوەکان بێت گەورەترین نەخشە لە مێژووی یاری Battlefield ـدا لە خۆ دەگرێت و پشتگیری لە یاری کردنی 64 یاریکەر بەرامبەر 64 دیکە دەکات و لەگەڵ ئەوەی پلان وا دانراوە یارییە نوێیەکە بۆ ئێکس بۆکس وەن و پلەیستەیشن 4 بگونجێت، بەڵام لە کاتی بڵاو کردنەوەیدا پشتگیری لە cross-gen play ناکات

ئەمڕۆ کاتژمێر 5 ئێوارە بە کاتی هەرێمی کوردستان لە تۆڕە کۆمەڵایەتییە جیاوازەکان و لە یوتیوب کۆمپانیای EA یەکەمین ترایلەری بەشی نوێی یاری Battlefield بڵاو دەکاتەوە لە دوای چاوەڕوانییەکی زۆری یاریکەران

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.