میدیاتێک ڕکابەرەکەی بۆ دوایەمین چیپسێتی کواڵکۆم نمایش کرد

ئەمڕۆ میدیاتێک لە کۆنگرەیەکدا لە وڵاتی چین چیپسێتی Mediatek Dimensity 9300 بۆ ڕکابەری نوێترین چیپسێتی کۆمپانیای کواڵکۆم Qualcomm Snapdragon 8 Gen 3 نمایش کرد. چیپسێتەکە بناغەی 4 نانۆمەتر پڵەسی لەسەر جێگیر کراوە کە سێیەمین نەوەی باشتر کراوە لەم جۆرە بناغەیە لە لایەن TSMC بەردەست دەکرێت.

ناووکی سەرەکی چیپسێتەکە لە جۆری Cortex-X4 ـە کە دەستکاری کراوە و خێرایی 3.25 گێگاهێرتزە و 3 ناووک لە جۆری Cortex-X4ی ئاسایی کە خێرایی 2.85 گێگاهێرتزە و 4 ناووکی دیکە لە جۆری Cortex-A720 بە خێرایی 2.0 گێگاهێرتز. کەواتە لە تاک ناووک لە ڕێژەی %15 و لە فرە ناووک بە ڕێژەی %40 باشتر کراوە و %33 کەمتر وزە بەکار دەبات.

گرافیکی چیپسێتەکە بە ڕێژەی %46 توانای باشتر کراوە و 12 ناووکە و پشتگیری لە Ray Tracing دەکات. لە ڕووی زیرەکی دەستکرد و ئاسایش و پشتگیری کردن لە تەکنەلۆژیای نوێ بۆ ڕوونما باشتر کراوە. پشتگیری لە تۆمار کردنی ڤیدیۆ بە ڕوونی 8K و 30 وێنە لە چرکەیەکدا دەکات، لەگەڵ کامێرای 320 مێگاپێکسڵی.

هەروەها پشتگیری لە Bluetooth 5.4 و Wi-Fi 7 و بیرگەی جۆری UFS 4.0 و ڕامی LPDDR5T دەکات.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.