سامسۆنگ ئەڵقەی زیرەک درووست دەکات

سامسۆنگ لە کۆتایی بۆنەی Unpacked هەواڵێکی چاوەڕوانکراوی ڕاگەیاند. یەکەمین تیزەری بەرهەمی داهاتووی پیشاندا کە بریتییە لە ئەڵقەیەکی زیرەک بە ناوی Galaxy Ring. سامسۆنگ وەسفی ئامێرەکە بە ئامێرێکی بەهێز بۆ تەندرووستی و لەشساغی دەکات.

سامسۆنگ ڤیدیۆیەکی پیشاندا لەبارەی ئەڵقەکەوە بەڵام هیچ زانیارییەکی دیکەی لەبارەیەوە ئاشکرا نەکرد، وەک کاتی بەردەست بوونی و نرخی بەرهەمەکە.

ئەم هەواڵە چاوەڕوان کراوبوو و ماوەی چەند مانگێکە هەواڵی زۆر دەبیستین لەبارەی بەرهەمهێنانی ئەڵقەی زیرەک لە لایەن سامسۆنگەوە.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.