سامسۆنگ یەکەمین مۆبایلی لە نەوەی نوێی زنجیرەی ئەی نمایش کرد

سامسۆنگ ئەمڕۆ مۆبایلی Galaxy A06 لە ڤێتنام نمایش کرد. مۆبایلەکە چیپسێتی MediaTek Helio G85 لەسەر جێگیر کراوە. ڕوونمایەکی قەبارە 6.7 ئینجی لە جۆری LCD بە ڕوونی +HD و تێکڕای نوێبوونەوەی 90 هێرتز لە خۆ دەگرێت. پاترییەکی قەبارە 5,000 مللی ئەمپێر/کاتژمێری بە بارگاوی کەرەوەی 25 وات هەیە.

کامێرای سەرەکی دواوەی مۆبایلەکە ڕوونی 50 مێگاپێکسڵە و کامێرای قووڵی بە ڕوونی 2 مێگاپێکسڵ هەیە، هەروەها کامێرای سێڵفی 8 مێگاپێکسڵە. نرخی مۆبایلەکە لە وڵاتی ڤێتنام بۆ بیرگەی 64 گێگابایت و ڕامی 4 گێگابایت بریتییە لە 127 دۆلار و بۆ بیرگەی 128 گێگابایت و ڕامی 6 گێگابایت بریتییە لە 151 دۆلار.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.