ئەپڵ وەشانەکانی iOS 13.1.3 و iPadOS 13.1.3 ـی بە چارەسەرکردنی چەند کێشەیەکەوە بەردەستکرد

لە دوای ماوەیەک لە بەردەستنەکردنی وەشانی نوێوە، کۆمپانیای ئەپڵ وەشانەکانی iOS 13.1.3 و iPadOS 13.1.3 ـی بە چارەسەرکردنی چەند کێشەیەکەوە بۆ سەرجەم بەکارهێنەران بەردەستکرد.

ئەپڵ بە تایبەتی کاری لەسەر چارەسەرکردنی کێشەکان کردووە لە وەشانەکانی iOS 13.1.3 و iPadOS 13.1.3 ـدا. قەبارەی وەشانی iOS 13.1.3 زیاتر لە 130 مێگابایتە بۆ iPhone XS Max و بۆ ئایفۆنە کۆنەکانی دیکە کەمترە. قەبارەی وەشانی iPadOS 13.1.3 ـیش نزیکەی 71 مێگابایتە.

ئەمانە سەرجەم گۆڕانکارییەکانی وەشانەکانی iOS 13.1.3 و iPadOS 13.1.3 ـن:

• چارەسەرکردنی کێشەی زەنگ لێدان لە کاتی هاتنی تەلەفۆنەکاندا.
• چارەسەرکردنی کێشەی کردنەوەی بانگهێشتکراوەکان لە ئەپی Mail.
• چارەسەرکردنی کێشەیەک لە ئەپی Health کە هەندێک جار لە دوای خۆرهەڵهاتنەوە بە تەواوی کاتەکانی نیشان نەدەدا.
• چارەسەرکردنی کێشەیەک لە ئەپی Voice Memos کە هەندێک جار دەنگە تۆمارکراوەکان دانەدەبەزێندران لە دوای گەڕاندنەوەی iCloud.
• چارەسەرکردنی کێشەی داگرتنی گەڕێندراوەکان لە iCloud Drive.
• چارەسەرکردنی کێشەیەک کە نەیدەهێشت چەسپاندنی Apple Watch ـەکان بە سەرکەوتوویی تەواو ببێت.
• چارەسەرکردنی کێشەیەک کە هەندێک جار دەبووە هۆی ڕەوانە نەکردنی ئاگادارکەرەوەکان بۆ Apple Watch.
• چارەسەرکردنی کێشەی ناپەیوەستبوونی خودکارانەی Bluetooth لە هەندێک ئۆتۆمبێل.
• باشترکردنی پەیوەندی نێوان Bluetooth و بیستۆکە بێوایەرەکان.
• باشترکردنی بەکارهێنانی ئەپەکان لەگەڵ Game Center ـدا.

چۆنیەتی نوێکردنەوەی وەشان لە iOS:

• کردنەوەی ئەپی Settings
• کردنەوەی بەشی General
• کردنەوەی بەشی Software Update
• کرتە کردن لە Download and install

تێبینی بۆ نوێکردنەوەی وەشان:

• پێویستە وزەی پاتری ئامێرەکەت لە 50% زیاتر بێت.
• پێویستت بە ئینتەرنێتی وایفای هەیە بۆ نوێکردنەوەی وەشان.

ماکوان بەرزان

خوێندکاری پەیمانگەی کۆمپیوتەرم، لە پاڵ ئەوەشدا پڕۆگرامەرم و لێرەش بەڕێوەبەری نووسین و نووسەرم تاوەکو دواین هەواڵ و زانیاری و وردەکارییەکانی پەیوەندیدار بە تەکنەلۆژیا بخەمە بەردەستی خوێنەر.