ئەپڵ ماڵپەڕ و ئەپی تایبەت بە ڤایرۆسی کۆرۆنای بەردەستکرد

کەمێک بەر لە ئێستا کۆمپانیای ئەپڵ ماڵپەڕ و ئەپێکی تایبەت بە ڤایرۆسی کۆرۆنای بەردەستکرد.

ماڵپەڕ و ئەپەکە نوێیەکەی ئەپڵ تایبەتە بە ڤایرۆسی COVID-19 ـی ناسراو بە کۆرۆنا، لە ڕێگەیەوە دەتوانرێت تاقیکردنەوەی توشبوون بە ڤایرۆسەکە ئەنجام بدرێت لە ڕێگەی وەڵامدانەوەی ژمارەیەک پرسیارەوە. لە دوای پێدانی ئەنجامی تاقیکردنەوەکە، پێت ڕادەگەیەنێت کە چی بکەیت. هەروەها ڕێنمایی و زانیارییەکان سەبارەت بە ڤایرۆسەکە لەخۆ دەگرێت.

ئەپڵ بە هاوکاری هەریەکە لە ناوەندی کۆنتڕۆڵکردنی نەخۆشییەکان (CDC)، دەزگای فیدڕاڵی بەڕێوەبردنی فریاکەوتنەکان و کۆشکی سپی ئەمریکا ئەم ماڵپەڕ و ئەپەی درووست کردووە، هەروەها تەنها بە زمانی ئینگلیزی بەردەستن.

ئەپەکە بە تەنها بۆ iOS بەردەستە، لە کاتێکدا ماڵپەڕەکە بۆ هەموو سەکۆیەکان بەردەستە و دەتوانیت کرتە لێرە بکەیت بۆ کردنەوەی، وە کرتە لە دوگمەکەی خوارەوە بکەیت بۆ داگرتنی ئەپەکە.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەر و خوێندکاری پەیمانگەی زانستی کۆمپیوتەر.