هەواڵ 10, ئه‌یلول 2020

بە فەرمی کاتژمێری زیرەکی Huawei Watch GT2 Pro و بیستۆکی بێتەلی Huawei FreeBuds Pro نمایش کران

بە فەرمی کۆمپانیای هواوەی لە کۆنگرەی ساڵانەی گەشەپێدەرانی خۆی ئەمساڵدا چەند بەرهەمێکی نوێی نمایش کرد کە دوو لەوانە کاتژمێری زیرەکی Huawei Watch GT2 Pro و بیستۆکی بێتەلی Huawei FreeBuds Proـن

 

:Huawei Watch GT2 Pro

 

کاتژمێرەکە کاتژمێری ئاست بەرزی کۆمپانیای هواوەییە و لاشەکەی لە تیتانیۆم پێک هاتووە و پشتەوەی لە سیرامیک و خاوەن ڕوونمایەکی قەبارە 1.39 ئینجییە لە جۆری OLED بە ڕوونی 454*454 پێکسڵ و دوو دوگمەی لە لاکانەوە هەیە بۆ کۆنتڕۆڵ کردن و هەروەها تایبەتمەندی GPS لە خۆ دەگرێت

هەڵگری چیپسێتی Huawei Kirin A1ـە و خاوەن بیرگەیەکی قەبارە 32 گێگابایتە و ڕامی 4 گێگابایت لە خۆ دەگرێت و هەروەها پێوانی ڕێژەی ئۆکسجینی ناو خوێن و ڕێک خستنی کاتی خەو و چاودێری کردنی قەلەقی و جگە لەوەش خاوەنی چەندەها دۆخی وەرزشی و دۆخی یارییەکانی مەلەوانی و گۆڵف و چەندەها یاری تر لە خۆ دەگرێت

توانای پاتری 14 ڕۆژە بۆ دۆخی ئاسایی، هەروەها بەرگەی 30 کاتژمێر کار کردن دەگرێت بە کار خستنی GPS و بەرگەی 24 کاتژمێر کار کردن بۆ میوزیک لێدانەوە دەگرێت و هەروەها پشتگیری بارگاوی کەرەوەی بێتەل دەکات و لە ڕووی نەرمەکاڵاوە سیستەمی هواوەی خۆی کە LiteOS لە خۆ دەگرێت

جۆری وەرزشی کاتژمێرەکە نرخی دەست پێکی 329 یۆرۆیە و جۆری کلاسیکی کاتژمێرەکە نرخی دەست پێکی 349 یۆرۆیە و هەردووکیان لە پێش کۆتایی هاتنی ئەم مانگە بەردەست دەخرێن

:Huawei FreeBuds Pro

بیستۆکە بێتەلەکەی هواوەی باشترین بیستۆکی بێتەلی هواوەییە تاوەکو ئێستا و تایبەتمەندی ANC و تایبەتمەندی لابەری ژاوە ژاو لە خۆ دەگرێت

هەڵگری درایڤەری 11 نانۆمەترییە و 4 مایکرۆفۆن لە خۆ دەگرێت و پاترییەکەی بەرگەی 30 کاتژمێر کار کردن بە بێ کار کردنی ANC و بەرگەی 20 کاتژمێر کار کردن بە کار کردنی ANCـیەوە دەگرێت

بیستۆکە بێتەلەکە بە ڕەنگەکانی ڕەش و سپی و سیلڤەر لە مانگی داهاتوو بە نرخی دەست پێکی 199 یۆرۆ دەست بە فرۆشتنی دەکرێت

سەرچاوە GSM Arena
تاگەکان Huawei smart watch
بۆچونی تۆ