کۆمپانیای ئێنتێڵ کارگەیەکی نوێی چیپ لە ئەڵمانیا دروست دەکات بە یارمەتی 10 ملیار یۆرۆ لەلایەن حکومەتەوە

پەتای COVID-19 (کۆرۆنا) کاریگەری زۆری لەسەر پیشەسازی تەکنەلۆژیا هەبووە. زۆرێک لە کۆمپانیاکان درکیان بە مەترسییەکانی پشتبەستن بە یەک سەرچاوە(شوێن و کارگە) کردووە بۆ بەرهەمهێنان، وە ئێستا بەنیازن لە شوێن و کارگە و و وڵاتی جیاواز بەرهەمهێنان بکەن. نموونەش وەک کۆمپانیای ئەپڵ کە دەستی بە بەرهەمهێنانی ئایفۆن کرد لە وڵاتی هیندستان. لە هەنگاوێکی هاوشێوەدا، ئێنتێڵ و ئەڵمانیاش ئێستا نموونەیەکی دیکەن.

کاتێک کۆمپانیایەک لە وڵاتێک وەبەرهێنان دەکات، هەزاران هەلی کار دەڕەخسێت بۆ ئەو وڵاتە، ئێستاش کۆمپانیای ئێنتێڵ کارگەیەکی بەرهەمێنانی چیپسێت و ئامێرە نیمچە گەیەنەرەکان بە گشتی لە وڵاتی ئەڵمانیا بونیاد دەنێت بە بەهای 30 ملیار یۆرۆ، لەم بڕە حوکمەتی ئەڵمانیا 10 ملیار دۆلار دابین دەکات بۆ کۆمپانیای ئێنتێڵ بە مەبەستی ڕەخساندی هەلی کاری زیاتر و بە گشتی ئابوورییەکی باشتر بۆ وڵاتەکەی.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.