سامسۆنگ لە بۆنەی داهاتووی ئەڵقە زیرەکەکەی نمایش دەکات

لە بۆنەی Unpacked مانگی ڕابردوو، کە تێیدا زنجیرە مۆبایلی Galaxy S24 نمایش کرا، سامسۆنگ لە کۆتایی بۆنەکەدا ئەڵقەی زیرەکی تایبەت بەخۆی پیشان دا، بەڵام بەبێ ئاشکرا کردنی هیچ زانیارییەک دەربارەی. لە کۆتاییدا سامسۆنگ ڕۆژی ڕابردوو لەسەر ئەڵقە زیرەکەکە هاتە دەنگ و ڕایگەیاند لە بۆنەی داهاتووی Unpacked نمایشی دەکەن، کە چاوەڕوان دەکرێت بکەوێتە ناوەڕاستی مانگی حەوت، کە نەوەی نوێی مۆبایلە چەماوەکانی لێ نمایش دەکرێت.

ئەڵقەکە دەتوانێت پێوانەی پەستانی خوێن بکات، هەروەها پشتگیری لە NFC دەکات بۆ پارەدان. لە ئێستادا ئەڵقەکە لە قۆناغی نمونەییە (Prototype) و لە مانگی داهاتوو یاخود ماگی چوار دەست بە بەرهەم هێنانی دەکرێت.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.