ئۆپۆ 6, ئازار 2020

مۆبایلەکانی Oppo Find X2 و Find X2 Pro بە ڕوونمای 120 هێرتز و پشتگیری لە 5G ـەوە نمایشکران

لە دوای کەمێک دواخستن بە هۆی ئەنجامنەدانی کۆنگرەی جیهانی مۆبایل بە هۆی ڤایرۆسی کۆرۆناوە، دواجار کۆمپانیای Oppo مۆبایلەکانی Oppo Find X2 و Find X2 Pro ـی بە ڕوونمای 120 هێرتز و پشتگیری لە 5G ـەوە نمایشکردن. مۆبایلەکان دووەمین مۆبایلی کۆمپانیاکەن کە هەڵگری ناوی Find بن لە دوای ڕاگەیاندنی Oppo Find X ـەوە لە ساڵی 2018 ـەدا.

بە پێچەوانەی مۆبایلی Oppo Find X ـەوە، Oppo نەیتوانیوە لە مۆبایلەکانی Oppo Find X2 و Find X2 Pro ـدا ڕوونمایەکی تەواو پڕاوپڕ بەدەست بهێنێت بە هۆی بەکارنەهێنانی لاشە سڵایدییەکەوە. هەردوو مۆبایلە نوێیەکە خاوەن ڕوونمایەکن بە قەبارەی 6.7 ئینج لە جۆری AMOLED بە ڕوونی +QHD و خێراییان 120 هێرتزە و یەکێکە لە باشترین جۆری ڕوونماکان. پڕۆسێسەری Snapdragon 865 ـیان لەسەر جێگرە، کە ئەمەش وا لە هەردوو مۆبایلەکە دەکات پشتگیری لە نەوەی پێنجەمی پەیوەندی 5G بکەن. هەستەوەری پەنجەمۆر لە ژێر ڕوونماکانیاندا جێگیر کراوە.

Oppo Find X2

مۆبایلی Oppo Find X2 لە پشتەوە خاوەن 3 دانە کامێرای ئاست بەرزە بە ڕوونییەکانی 48 و 12 و 13 مێگاپێکسڵ، کە کامێرا سەرەکییەکەی خاوەن هەستەوەری Sony IMX586 ـە و سەرجەم کامێراکان پشتگیری لە تایبەتمەندی Ultra Night Mode دەکەن. وە لە پێشەوە، خاوەن کامێرایەکە لەسەر چاڵە ڕوونماکەی بە ڕوونی 32 مێگاپێکسڵ بە هەستەوەری جۆری Sony IMX616.

لە ناوەوە، خاوەن ڕامێکە بە فراوانی 12 گێگابایت لە جۆری LPDDR5 و بیرگەی 256 گێگابایت لە جۆری UFS 3.0، بەڵام خاوەن دەرچەی microSD نییە. هەروەها خاوەن پاترییەکە بە توانستی 4,200 ملی ئەمپێر و پشتگیری لە بارگاویکردنەوەی خێرای Super VOOC 2.0 دەکات بە توانای 65 وات. خاوەن بڕوانامەی IP54 ـە بۆ بەرگەگرتن بەرانبەر تۆز و ئاو.

مۆبایلەکە بە بژاردەی ڕەنگەکانی ڕەشی سیرامیکی و شینی زەریایی بەردەست دەکرێت.

گرنگترین تایبەتمەندییەکانی مۆبایلی Oppo Find X2:

  • ڕوونما
    • قەبارە: 6.7 ئینج.
    • جۆر: AMOLED.
    • وردی نیشاندان: 1440 بە 3168 پێکسڵ.
  • دیزاین
    • نۆچ: نییە.
    • چاڵی ژێر ڕوونما: هەیە.
  • پڕۆسێسەر: (+Qualcomm Snapdragon 865 (7 nm.
  • گرافیک: Adreno 650.
  • ڕام: 12 گێگابایت.
  • بیرگە: 256 گێگابایت.
  • ئەستووری: 8 میلیمەتر.
  • کێش: 196 گرام.
  • پاتری: 4,200 ملی ئەمپێر/کاتژمێر.
  • بارگاویکردنەوە: تەکنەلۆژیای بارگاویکردنەوەی خێرای Super VOOC 2.0 بە توانای 65 وات.
  • کامێرای پشتەوە
    • سەرەکی: 48 مێگاپێکسڵ بە تیرەی f/1.7 و لە جۆری Wide.
    • دووەم: 13 مێگاپێکسڵ بە تیرەی f/2.4 و لە جۆری Telephoto.
    • سێیەم: 12 مێگاپێکسڵ بە تیرەی f/2.2 و لە جۆری macro.
  • کامێرای پێشەوە(سێڵفی):
    • سەرەکی: 32 مێگاپێکسڵ بە تیرەی f/2.4 لە جۆری Wide.
  • هەستەوەری ئاسایشی: هەستەوەری پەنجەمۆر لە ژێر ڕوونما.
  • دەرچە: USB-C.
  • ڕایەڵە: 5G – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0.
    • تایبەتمەندی NFC: هەیە.
    • تایبەتمەندی Radio: نییە.
  • سیمکارت: دووانە سیمکارت.
  • ڕەنگ: ڕەشی سیرامیکی – شینی زەریایی.
  • سیستەمی کارپێکەر: ڕووکاری ColorOS 7.1 (بنچینەکراو لەسەر Android 10).
  • حاڵەتی بەردەستبوون: بەردەست نییە.
  • نرخ: دەستپێدەکات لە 1,130$.

Oppo Find X2 Pro

هەرچی دەربارەی مۆبایلی Oppo Find X2 Pro ـە، ئەمە جۆرە ئاست بەرزەکەیەتی و کامێرا Telephoto ـەی تایبەت کراوە بە نزیککردنەوە و دووربینە. خاوەن بیرگەی 512 گێگابایت و لە جێی ڕەنگی شین خاوەن ڕەنگی پڕتەقاڵی سەرنجڕاکێش و بڕوانامەی IP68 ـە بۆ بەرگەگرتن بەرانبەر تۆز و ئاو.

لە تایبەتمەندییەکانی دیکەدا هاوشێوەی Oppo Find X2 Pro ـیە.

گرنگترین تایبەتمەندییەکانی مۆبایلی Oppo Find X2 Pro:

  • ڕوونما
    • قەبارە: 6.7 ئینج.
    • جۆر: AMOLED.
    • وردی نیشاندان: 1440 بە 3168 پێکسڵ.
  • دیزاین
    • نۆچ: نییە.
    • چاڵی ژێر ڕوونما: هەیە.
  • پڕۆسێسەر: (+Qualcomm Snapdragon 865 (7 nm.
  • گرافیک: Adreno 650.
  • ڕام: 12 گێگابایت.
  • بیرگە: 512 گێگابایت.
  • ئەستووری: 8.8 میلیمەتر.
  • کێش: 207 گرام.
  • پاتری: 4,260 ملی ئەمپێر/کاتژمێر.
  • بارگاویکردنەوە: تەکنەلۆژیای بارگاویکردنەوەی خێرای Super VOOC 2.0 بە توانای 65 وات.
  • کامێرای پشتەوە
    • سەرەکی: 48 مێگاپێکسڵ بە تیرەی f/1.7 و لە جۆری Wide.
    • دووەم: تەلەسکۆپی 13 مێگاپێکسڵ بە تیرەی f/2.4 و لە جۆری Telephoto.
    • سێیەم: 12 مێگاپێکسڵ بە تیرەی f/2.2 و لە جۆری macro.
  • کامێرای پێشەوە(سێڵفی):
    • سەرەکی: 32 مێگاپێکسڵ بە تیرەی f/2.4 لە جۆری Wide.
  • هەستەوەری ئاسایشی: هەستەوەری پەنجەمۆر لە ژێر ڕوونما.
  • دەرچە: USB-C.
  • ڕایەڵە: 5G – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0.
    • تایبەتمەندی NFC: هەیە.
    • تایبەتمەندی Radio: نییە.
  • سیمکارت: دووانە سیمکارت.
  • ڕەنگ: ڕەشی سیرامیکی – پڕتەقاڵی .
  • سیستەمی کارپێکەر: ڕووکاری ColorOS 7.1 (بنچینەکراو لەسەر Android 10).
  • حاڵەتی بەردەستبوون: بەردەست نییە.
  • نرخ: دەستپێدەکات لە 1,350$.

نرخی مۆبایلی Oppo Find X2 لە ئەوروپا لە 1,130$ ـەوە دەستپێدەکات و Oppo Find X2 Pro ـیش لە 1,350$ ـەوە دەستپێدەکات، وا بڕیارە لە سەرەتاکانی مانگی مایس (5) ـی ئەمساڵدا بەردەست بکرێن لە ئەوروپادا.

سەرچاوە The VergeGSMArena
بۆچونی تۆ