چیپسێتی +Dimensity 6100 بە قەبارەی 4 نانۆمەتری بۆ مۆبایلە ئاست مامناوەندەکان نمایش کرا

میدیاتێک چیپسێتێکی دیکەی لە زنجیرەی Dimensity 6100 نمايش کرد. چیپسێتەکە قەبارەی 4 نانۆمەترییە و مۆدێمی تۆڕی نەوەی پێنجەمی هەیە.

ناووکی سەرەکی خێراییەکەی 2.95 گێگاهێرتزە لە جۆری Cortex-A78 و هەروەها گرافیکی Arm Mali-G77 MC9 لە خۆ دەگرێت. پشتگیری ڕوونما بە ڕوونی +FHD و تێکرایی نوێ بوونەوەی 144 هێرتز یان ڕوونی +QHD تێکرایی نوێ بوونەوەی 90 هێرتز دەکات. هەروەها پشتگیری لە ڕامی جۆری LPPDR5 تاکو 16 گێگابایت و بیرگەی جۆری UFS 3.1 تاکو 1TB دەکات.

لە ڕووی ISP ـییەوە، چپسێتەکە پشتگیری لە کامێرای 200 مێگاپیکسڵی دەکات و یان سیانە کامێرای 64 مێگاپیکسڵی دەکات.

چاوەڕوان دەکرێت لەم چارەکەدا یەکەمین مۆبایل نمایش بکرێت کە ئەم چیپسێتەی لەسەر جێگیر کراوە.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.