ئامێرە هەمەجۆرەکان
16, حوزهیران 2022
کۆمپانیای Zhiyun دژە لەرزینێکی نوێ و ئاست بەرزی ڕاگەیاند، تایبەتمەندییەکانی بۆ یەکەمجار لە کەی ئای تی ئێنەوە بزانە.
ئەم دژە لەرزینە لە ژێر ناو یان مۆدێلی Zhiyun Weebill 3 ـە و نوێترین دژەلەرزینی زنجیرەی Weebill ـە.
هەرچی تایبەتمەندییەکانی ئەم نەوە نوێیەی ژیونە ئەمانەن:
- کێشەکەی بە ڕێژەی %40 کەمتر کراوەتەوە بەراورد بە ویبڵی ٢.
- گڵۆپێکی ڕووناککەرەوە لە خۆ دەگرێت بە توانای گەرمیی ڕەنگی 2600-5400 کلڤن.
- بوونی تایبەتمەندی Sling Mode بۆ دەست بەسەرداگرتنێکی ئاسانتر و کەمترین قورسایی لەسەر یەک دەست لە کاتی بەکار هێنان.
تێبینی: ئەم قۆڵە زیادکراوە لەسەر دژەلەرزینەکە تەنها لەگەڵ جۆری کۆمبۆ دەبێت و لەگەڵ جۆری ئاسایی نابێت.
- بوونی ڕوونمایەکی هەستیار بە بەرکەوتن (تەچ) بە قەبارەی ٠.٩٦ ئینچ.
- توانای ڕێکخستنی دووگمەکان بە پێی خواستی بەکارهێنەر.
- بەشەکانی هاوسەنگ کردن باشتر کراون.
- بوونی توندکەرێکی برغووی موگناتیسی.
نرخی ئەم دژە لەرزینە نوێیە لە ٤٤٩ دۆلارەوە دەست پێدەکات بۆ جۆری ئاسایی و ٥٢٩ دۆلار بۆ جۆری کۆمبۆ.
ڕامیار دڵشاد
ڕاهێنەری فۆتۆگرافی، ڤیدیۆگرافی، ئیدیتینگ و مۆنتاژ، و هەڵگری بڕوانامەی بەکالۆریۆس لە زانستەکانی ماتماتیک و دیبلۆم لە سایکۆلۆژی و تەکنەلۆژیای زانیاری . ماوەی ٦ ساڵە لە Kitn بابەتی تەکنەلۆژی دەنوسم و جار جارەش بیروڕا و سەرنجی خۆم لە ئەزمونێکی ژیانەوە دەخەمە توێی بابەتێکەوە بۆ خوێنەران. کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!